Ornela Bregu nostalgjike, dedikimi special për familjen me foton e 23 viteve më parë

Prezantuesja Ornela Bregu ka përjetuar disa momente nostalgjie duke kujtuar familjen e saj përpara 23 vitesh.
Në një fotografi që ajo ka publikuar në “Instagram” duket familja Bregu e plotë, dy prindërit, Ornela, Majlinda dhe motra tjetër e tyre.

Majlinda ka patur pothuajse të njëjtat tipare, por surpriza ngelet Ornela, me flokë të shkurtër dhe shumë ndryshe nga ajo që jemi mësuar të shohim ne.
Bashkangjitur fotografisë, prezantuesja ka shkruar: “Gusht 1995, kur rriteshim në sytë e prindërve dhe flinim afër njëra-tjetrës. Familja është aty ku jeta fillon dhe dashuria kurrë s’mbaron”.
Kujtojmë se Ornela Bregu është larguar nga Shqipëria së bashku me familjen e saj. Largësia dhe malli për të afërmit e e bëjnë shpesh nostalgjike moderatoren.