A është e mundur të dobësohesh pa ndjekur një regjim të rreptë ushqimor? Psikiatria Marine Colombel thotë se po – nëse kuptojmë lidhjen mes emocioneve dhe ushqimi.
Shumë njerëz besojnë se shtimi në peshë vjen nga zakonet e këqija ushqimore. Por, sipas Colombel, shpesh është truri ai që udhëheq dorën drejt frigoriferit, jo barku. Ushqimi shërben si një ngushëllim emocional – një mënyrë për të përballuar stresin, mërzinë apo ndjenjat e papërpunuara.
Ajo propozon një metodë të thjeshtë, të quajtur STOP, që ndihmon në ndërprerjen e ngrënies së pavetëdijshme:
– S – Thuaji vetes “Stop” kur ndjen dëshirën për të ngrënë jashtë vakteve.
– T – Thith frymë thellë dhe qetësohu.
– O – Observo emocionet që po ndjen në atë moment.
– P – Përcakto nëse vërtet ke nevojë për ushqim apo është thjesht një reagim emocional.
Kjo praktikë e ndërgjegjshme ndihmon për të ndarë ndjenjat nga veprimi impulsiv i ngrënies. Kur e zbatojmë rregullisht, mund të ndihmojë jo vetëm në kontrollin e peshës, por edhe në përmirësimin e marrëdhënies sonë me ushqimin. Nuk ka të bëjë me kaloritë – por me vetëdijen!
