Në programin special për ‘Shën Valentin’ moderatorja, Roza Lati konfirmoi nisjen e një spektakli të ri televiziv dhe për këtë arsye emisioni “Why Not” që drejton aktualisht do të ishte në një periudhë pushimi.
Mirëpo si duket gjërat nuk kanë shkuar ashtu si Roza i kishte planifikuar. Akoma pa nisur emisioni ajo është larguar nga projekti. Ka qenë Roza ajo e cila së fundmi nëpërmjet një postimi në ‘Instagram’ ka publikuar disa video të shkëputura nga ‘bebja e saj’ siç e quan ajo programin ‘Why Not’, duke treguar se do të rikthehet me të njëjtin emision.
“Mirëmëngjes miq. Më duhet t’ju lajmëroj për një ndryshim. Instikti im më thotë që MISIONI dhe EMISIONI im është ‘WHY NOT SHOW’. Jam e fokusuar gjithë sezonin te programi im. Dhe për arsye personale, jam tërhequr nga projekti për të cilin dhashë kaq shumë energji pa filluar akoma. Asgjë nuk duhet të jepet falas në këtë jetë, dhe as në televizion. Të duhet mund dhe djersë balli për të arritur suksesin. Do jem gjithmonë e përkushtuar te bebja ime ‘Why Not’. Jam tërhequr nga gjithçka tjetër. Faleminderit”. shkruan ajo.
Ende nuk ndihet se çfarë do të ndodhë me emisionim e ri nëse do e zëvendësojë dikush tjetër Rozën apo do mbetet një projekt i parealizuar./revistawho.com
https://www.instagram.com/p/B9YsL3tJ7tk/?igshid=1e49gqslh07hz
