Diçka që e dimë, por që kemi nevojë ta kujtojmë herë pas here. Jeta në rrjet është vetëm me filtra, me imazhe perfekte, me njerëz që ndajnë vetëm arritjet, lumturinë, bukurinë, me pak fjalë shohim vetëm super njerëz me super jetë e super trupa. Por kjo është vetëm ana e ndritshme e hënës. Anën e errët secili e mban mbi shpinë si gurin e Sizifit.
Modeja Bella Hadid ka vendosur të na i tregojë live barrën që mban e që nuk është aspak ecja e saj krenare, e lumtur me rrobat më të shtrenjta nëpër pasarela.
Modelja ndau një videoklip të Willow Smith, vajzës së yllit të Hollivudit, Will Smith, teksa po fliste për pasigurinë dhe faktin se ndjehej e humbur. Hadid e shoqëroi videon motivuese me selfiet e saj ku shfaqej me fytyrë pa make-up, me rrathë poshtë e me sy të përlotur.
“Të gjithë njerëzit janë të ndryshëm, çdo njeri ka diçka kaq të veçantë dhe unike për të ofruar. Dhe njerëzit harrojnë se të gjithë ndihen në thelb njësoj: të humbur, të hutuar, të pasigurt pse janë këtu. Ankthin të gjithë po e ndjejnë dhe përpiqen ta mbulojnë në një farë mënyre.”
Më pas Hadid foli për dobësinë e saj duke thënë se asaj iu desh shumë kohë për të kuptuar se mund të fillohet gjithmonë përsëri nga e para dhe se gjërat bëhen më mirë, deri në një farë mase.
Duke dërguar mbështetje dhe pozitivitet, modelja ndau historinë e saj duke treguar se të punosh shumë me veten, të kalosh kohë vetëm për të kuptuar traumat, shkaqet dhe gëzimet e tua, mund të ndihmojë të mësosh më shumë rreth dhimbjes tënde dhe si ta trajtosh atë.
“Dëshiroj që ta dini se ka gjithmonë dritë në fund të tunelit dhe se ndryshimi vjen gjithmonë…
Më tej në mesazhin e saj të gjatë Bella, shkruan: Mediat sociale nuk janë reale. Për këdo që ka vështirësi, ju lutemi mbani mend këtë. Ndonjëherë gjithçka që duhet të dëgjoni është se nuk jeni vetëm. Pra, nga unë te ju, nuk jeni vetëm.“/revistawho.com
https://www.instagram.com/p/CWDznHVlWa8/?utm_source=ig_web_copy_link
