Gjergj Kaçinari është një ndër artistët më të talentuar të muzikës ‘rock’. Pasionin për muzikën e ka të trashëguar nga babai i tij, Alfred Kaçinari dhe sigurisht që e ka pasur më të lehtë të bëhet pjesë e tregut muzikor shqiptar. Megjithatë kjo nuk e ka ndihmuar për pagesat e larta dhe madje ai nuk e ka problem të tregojë se përkrah muzikës merret dhe me punë të tjera. Ditën e sotme këngëtari ishte i ftuar në emisionin ‘KafeIn’, ku ka rrëfyer disa të pathëna për këngëtarët shqiptarë.
Gjergji ka treguar se muzika ‘live’ paguhet shumë në Shqipëri, por pak artistë arrijnë të mbushin sheshet. Ai ka shtuar se pagesat e larta që deklarojnë këngëtarët shqiptarë janë thjesht thashetheme tavolinash. Kaçinari ka zbuluar se ai punon i lirë nga tregu për shkak të pagesës, që të mos jetojë vetëm me 10 koncerte. Megjithatë kjo nuk do të thotë se Gjergji do të heqë dorë nga muzika që bën, përkundrazi pasioni i tij për muzikën sa vjen dhe shtohet. /revistawho.com
