Pak ditë më parë djali i këngëtares së njohur, Ingrid Gjoni, festoi 7-vjetorin e tij. Me anë të postimeve në ‘Instagram’, u zbulua se Paridi u surprizua nga dhurata e parë që mori, e cila ishte një lepur. Megjithatë mesa duket festa dhe dhuratat për vogëlushin nuk kanë mbaruar. Me anë të disa videove në rrjetet sociale, Gjoni ka zbuluar se sot është dita që Paridi të festojë në ambientet e shtëpisë me një festë të personalizuar posaçërisht për të.
Përveç kësaj këngëtarja ka zbuluar dhe dhuratën e saj për ditëlindjen e djalit. Ajo ka zgjedhur t’i dhurojë një makinë të vogël në ngjyrë portokalli për moshën e tij. Mesa duket Paridi duhet të ndihet një djalë shumë më fat nga gjithë dhuratat dhe surprizat që mami Ingridi ka rezervuar për të.
Kujtojmë se Gjoni publikon herë pas here foto të ndryshme me vogëlushin e saj, duke treguar për të gjithë se ai është një ndër dashuritë më të mëdha në jetën e saj./revistawho.com
https://www.instagram.com/p/Bwwxbd_HRMO/
https://www.instagram.com/p/BwwuwS4HzjZ/
