Venera Lumani, pak ditë më parë ndau me fansat e saj lajmin e mrekullueshëm se mori propozimin e ëndrrave për martesë, nga partneri i saj këngëtari Lind Islami. Një dashuri që lindi në “The Voice of Albania” tashmë ka nisur rrugën drejt kurorëzimit. Mes emocionesh për gjithçka ka përjetuar dhe ndarë me ndjekësit, Venera ka shkruar pak fjalë në foton e fundit të publikuar krah njeriut të zemrës. “Ju falënderoj pafund për urimet e sinqerta dhe kërkoj ndjesë sepse e kam të pamundur për t’ju kthyer përgjigje të gjithëve. Ju ndjej si familje e madhe andaj duhet të mendojmë një mundësi që t’ju kemi të ftuar të gjithëve në dasmë. P.S: Ndiqni dashurinë, jo luksin. Kur ke dashurinë i ke dhënë përgjigje çdo situate”,-ka shkruar ajo./revistawho.com
