Pak ditë pas ditëlindjes së vajzës, zbulohet dhurata që “Salome” kishte lënë për të bijën

Pak ditë më parë vajza e aktores së ndjerë, Edith Gonzales festoi 15-vjetorin e lindjes. Costanza festoi së bashku me babain e saj, Santiago Creel, njerkën, Paolina Velasco dhe gjysmë motrat. Festa e ditëlindjes ishte përgatitur nga të gjithë ata dhe çdo gjë shkoi më së miri. Pavarësisht se Edith mungoi në festën e të bijës, ajo ishte e pranishme me dhuratën që kishte lënë pas për të. Në emisionin “Formula espectacular” është zbuluar se aktorja që ka bërë rolin e ‘Salome’ kishte paguar një udhëtim që Costanza të kalonte disa ditë të bukura së bashku me disa mikesha të saj. Edith Gonzales ndërroi jetë në qershor të këtij viti në moshën 54-vjeçare, pas një “lufte” 3-vjeçare me një sëmundje të rëndë. Pak para se të ndahej nga jeta Edith udhëtoi në vende të ndryshme të botës së bashku me vajzën dhe partnerin e saj. /revistawho.com