Pak ditë më parë Liam Payne dhe ish-e dashura e tij Cheryl me anë të një statusi në ‘Twitter’ pranuan ndarjen nga njëri-tjetri. Pas këtij lajmi, Liam u shfaq për herë të parë në një koncert në Francë gjatë mbrëmjes së djeshme. Të gjithë mendonin se ai do të dukej i trishtuar, por në fakt Liam i habiti të gjithë me lumturinë dhe buzëqeshjen në fytyrë.
Këngëtari dhe Cheryl kishin rreth dy vite e gjysmë bashkë, madje ata janë dhe prindër të një djali të vogël, Bear. Pas ndarjes të dy ata u shprehën se kishte qenë një vendim shumë i vështirë, megjithatë për Liam duket se jeta po vazhdon normalisht. Këngëtari u ngjit në skenë si zakonisht dhe madje gjatë performancës në koncert nuk foli aspak për ndarjen e tij.
Liam u njoh për herë të parë me Cheryl në spektaklin “X Factor”, kur ajo ishte pjesë e jurisë ndërsa ai merrte pjesë si konkurent. /revistawho.com
