Disa ditë më parë, Loredana Zefi dhe familja, i dhanë lamtumirën e fundit babait të saj i cili humbi jetën. Pavarësisht se tashmë nuk është më pranë saj, këngëtarja shqiptare ka vendosur që të vazhdojë të sjellë projekte të reja, për të bërë krenar babain e saj. ‘Labyrinth’ titullohet kënga e re dhe do të publikohet ketë të mërkurë. Lajmin e ka dhënë vetë Loredana nëpërmjet një postimi në ‘Instagram’, ku në vend se të zbulonte disa detaje të reja në lidhje me projektin, ajo i ka dedikuar babait të saj disa fjalë të ndjera. “Babi ishte krenar për mua, që mund të bëj atë që dua më shumë: muzikë. Edhe pse ai u largua, ishte e rëndësishme për të që unë të vazhdoja ta bëja këtë, për të, për familjen time”, ka shkruar Loredana. Ndërsa në një postim në ‘Instastory’, ka vazhduar: “Babë falenderoj zotin që të paktën të la të shijoje fillimin e suksesit tim, ndërsa tani do i jap edhe një herë më shumë mund për shpirtin tënd. Pusho i qetë, unë do të të bëj krenar”. Pas këtij postimi, ajo ka marrë mbështetjen e plotë të familjarëve, kolegëve dhe të fansave, ndërkohë të gjithë presin të dëgjojnë ‘Labyrinth’./revistawho.com
https://www.instagram.com/p/BySsfJpCE3Z/?igshid=no9bnjgsq0ru
