Disa muaj më parë Adele i dha fund martesës së saj me Simon Konecki pas më shumë se 7 vite lidhje. Në media thuhej se këngëtarja nuk e ka përjetuar aspak mirë ndarjen dhe se ata të dy kishin kohë që nuk jetonin më bashkë. Megjithatë duket se Adele ka vendosur të vazhdojë përpara me jetën e saj, duke nisur një histori të re dashurie. Sipas “The Sun” këngëtarja e hitit “Hello” po njihet me reperin Skepta dhe të dy ata e pëlqejnë njëri-tjetrin.
Sipas burimeve thuhet se dy javë më parë Adele e ka shoqëruar Skeptan në festën e organizuar për 37-vjetorin e tij të lindjes. “Adele dhe Skepta kanë qëndruar shumë pranë njëri-tjerit pasi lidhjet e tyre morën fund. Ata kanë një lidhje të ngushtë dhe shumë të veçantë me njëri-tjetrin. Ata po kalojnë shumë kohë bashkë. Miqtë e tyre shpresojnë dhe parashikojnë se mund të përfundojnë çift së bashku”, kanë thënë burimet. Më tej kanë shtuar se të dy artistët tregohen shumë të rezervuar për jetën e tyre private dhe se fëmijët janë gjëja më e rëndësishme për ta. Adele ka një djalë, Angelo, nga martesa me Simon, ndërsa Skepta u bë baba në nëntor të vitit të kaluar. /revistawho.com
