Pak orë nga ceremonia, zbulohen detajet e dasmës madhështore të Eva Longorias

Edhe pak orë kanë mbetur nga dasma e aktores Eva Longoria dhe të fejuarit të saj Jose Antonio Baston (Pepe). Teksa po përfundojnë përgatitjet, dalin edhe detajet e para mbi ceremoninë, “një dasmë gjigande meksikane”, shumë e ëndërruar nga aktorja. Ish-shtëpiakja e dëshpëruar, do t’i thotë “Po” Pepes së saj më 21 maj në Acapulco të Meksikës. Ata do të martohen në shtëpinë e Jaime Camil, aktor dhe mik i çiftit. Ndër të ftuarit zbulohen emrat e Ricky Martin, Penelope Cruz, David e Victoria Beckham. Kjo e fundit mendohet se ka bërë dhe fustanin e nuses. “Do të jenë gjysma e Hollivudit”, ka thënë një burim për “People”. Lajmi për datën e dasmës është mbajtur sekret deri para pak orëve. Eva dhe Pepe janë bashkë në një lidhje prej tre vitesh. Nën dhjetor të vitit të shkuar ata u fejuan zyrtarisht.