Mbrëmjen e sotme, moderatorja e njohur, Luana Vjollca pritet të nisë sezonin e ri të ‘Shiko Kush Luan’, ku siç ka treguar dhe vetë ajo do të ketë shumë surpriza për të gjithë. Rezart Veleshnja ka zbuluar në llogarinë në ‘Instagram’ një prej të ftuarve, e cila do të jetë Amarda Toska. Aktori i humorit ka publikuar një video shkëputur nga xhirimet e programit i cili pritet të startojë mbrëmjen e sotme në orën 21:00 në ekranin e ‘Top Channel’.
Ndërsa me anë të disa pyetjeve të bëra në llogarinë e Luanës, moderatorja ka shtuar se do të jenë më shumë se 6 të ftuar dhe përveç kësaj ka ndarë disa foto krah balerinave profesioniste. Nuk dihet ende se çfarë ka rezervuar konkretisht Vjollca në natën e parë të ‘Shiko Kush Luan’ për këtë sezon, megjithatë kjo pritet të zbulohet në vetëm pak orë./revistawho.com
