Pas tre edicionesh të suksesshme që emocionuan publikun me banorët VIP dhe momentet e paharrueshme, “Big Brother Albania VIP” është gati të rikthehet me edicionin e katërt. Pas përfundimit të sezonit të tretë, pritshmëritë janë të larta dhe kurioziteti për formatin e ri po rritet çdo ditë.
Këtë herë, formati sjell një ndryshim të madh: për herë të parë, përveç VIP-ave, në shtëpi do të hyjnë edhe njerëz të zakonshëm. Ata do të kenë mundësinë të ndajnë historitë e tyre me publikun dhe të konkurrojnë krah personazheve të famshëm.
Faqja zyrtare në Instagram e “BBV4” ka publikuar deri tani katër video misterioze të disa prej banorëve të këtij sezoni. Në këto video, fytyrat e tyre nuk janë zbuluar, duke nxitur spekulime dhe diskutime të shumta nga ndjekësit, të cilët përpiqen të identifikojnë personazhet që fshihen pas kamerave.
Disa prej emrave që janë diskutuar deri tani janë Eros Grezda, Rozana Radi, Laert Vasili, këngëtari Marin, Devi & Dori (dyshja e Fiks Fare) si konkurrent i vetëm, Visjan Ukcenaj, Cubi Metkaj, Enxhi Nasufi, Sara Hoxha, Kastro Zizo, Eugent Bushpepa, Albërie Hadërgjonaj etj.
Ky kombinim mes VIP-ave dhe njerëzve të zakonshëm pritet të sjellë dinamika të reja dhe momente surprizuese, duke ngritur emocionet dhe pritshmëritë për “BBV4” në një nivel krejt të ri.
