Ditën e sotme këngëtarja Dua Lipa ka zhvilluar takimin me kryetarin e komunës së Prishtinës, Shpend Ahmetin. Për t’i shpërblyer punën e palodhur të këtyre viteve dhe krenarinë që po i jep Kosovës, Ahmeti e nderoi këngëtaren me çmimin “Çelësi i Qytetit’, duke e bërë Duan artisten e parë që merr këtë çmim. Mjaft e lumtur për këtë, këngëtarja ka falënderuar kryetarin e komunës teksa ka folur edhe në gjuhën shqipe.
‘Ky është vetëm fillimi për ecjen dhe përparimin e artit dhe kulturës së Kosovës që do ta bëjmë së bashku. Faleminderit për përkrahjen që me jepni, pa juve s’do të isha këtu, sepse e di që më keni mbështetur duke dëgjuar këngët e mija’, është shprehur këngëtarja në foton e publikuar në ‘Instagram’.
