Mbrëmjen e sotme këngëtarja e dashur e publikut shqiptar, Elvana Gjata do të performojë në skenën e pallatit të Kongreseve në natën e parë gjysmëfinale në festivalit të fundvitit të ‘RTSH-së’, me këngën e quajtur ‘Me tana’.
Në këtë ditë plot emocione për të, nuk ka munguar as urimi nga miku i saj më i mirë, Ermal Mamaqi.
“Suksese sot motër. Mos harro të më përshëndesësh dhe në fund të interpretimit të thuash faleminderit që ekziston Ermal”, ka shkruar Mamaqi krah fotos ku shfaqet krah Elvanës e cila ka veshur një kostum sportiv të bardhë.
Dyshja gëzon një miqësi të rrallë prej shumë vitesh dhe kanë qenë gjithmonë krah njëri-tjetrit në çdo projekt. Kujtojmë se mbrëmjen e sotme Elvana do të performojë këngën garuese për në ‘Eurovision’, e cila deri më tani numëron 2.8 milionë klikime në kanalin e ‘Youtube’./revistawho.com
https://www.instagram.com/p/B6Qs7Mxh_rK/
