Pamela Anderson ka rrëfyer për revistën “Glamour” mbi jetën dhe karrierën e saj.
Reflektimi i saj nxjerr në pah një moment kyç në kulmin e suksesit të saj në mesin e viteve ’90 – kur një video intime doli në publik. Ngjarja ishte një goditje shkatërruese për aktoren që i shkaktoi asaj “stresin post-traumatik”, i cili u rishfaq me publikimin e shfaqjes televizive “Pam & Tommy”.
Videoja intime, e regjistruar nga bashkëshorti i saj i atëhershëm, bateristi i Mötley Crüe, Tommy Lee, u përhap në mbarë botën dhe pati një ndikim të rëndësishëm në jetën e saj.
“Kam humbur burrin tim, shëndetin tim mendor, karrierën time. Në atë kohë nuk e kuptova për shkak të stresit post-traumatik”, kujton aktorja.
“E dija se shumë gjëra më kishin ndodhur që mund t’i kisha trajtuar ndryshe… në këtë botë, mënyra se si e menaxhoni karrierën tuaj është vendimtare”, tha Pamela.
