Pamje emocionuese/ Polici ‘hero’ i shpëton jetën 3-vjeçarit vetëm me një veprim

Një video emocionuese është shpërndarë në mediat e huaja, ku shfaqet një oficer policie i cili i shpëton jetën një djali 3 vjeç i cili kishte ndaluar së marri frymë. Në orën 06:59 prindërit nga Teksasi telefonuan policinë dhe kërkuan ndihmë pasi djali i tyre nuk po merrte më frymë. Në vetëm një minutë ka mbërritur Chase Miller i cili e ka marrë djalin dhe menjëherë ka filluar ti bëjë frymëmarrje artificiale dhe e ka reanimuar deri sa djali ka filluar sërish të mbushët me frymë. Në deklaratën e tij Miller tha se djali kishte kaluar një temperaturë të lartë dhe se kur e kishte marrë në dorë ai kishte puls por nuk merrte frymë dhe se buzët i kishte ngjyrë blu por pas ndihmës që i dha ai është kthyer në jetë. Pas kësaj ngjarjeje prindërit e kanë falënderuar publikisht oficerin dhe gjithashtu ai ka marrë dhe një çmim nderi nga bashkia. Ngjarja ka ndodhur në 12 tetor por videoja është publikuar së fundmi pas kërkesës së prindërve të djaloshit të cilët dëshironin ta bënin publike rastin për ta falënderuar policin që i shpëtoi jetën djalit të tyre./Panorama