Papa Francesko ka firmosur sot dekretin e shenjtërimit të Nënë Terezës, që do të mbahet në Bazilikën e Shën Pjetrit në Vatikan dhe Nënë Tereza do të jetë shenjtore më 4 shtator të këtij viti. Sakaq ka reaguar dhe kryeministri i Shqipërisë Edi Rama në rrjete sociale duke e cilësuar Nënë Terezën si “Forcë të pashembullt për dashurinë ndaj tjetrit “. “Pas lumturimit, 13 vjetë më parë, Nënë Tereza ngriti sot qiellin e lavdisë së altareve të mbarë kishës së përbotshme, falë vullnetit të Papa Francekso. Ajo iu bashkua kështu edhe shenjtëve që Shqipëria i ka përfalur njerëzimit dhe besimit tash sa mot”- janë disa nga fjalitë e shkruara nga kryeministri.
