Papa Françesku dërgon mesazh për shqiptarët: Zoti e bekoftë këtë popull që e dua shumë

Për ngjarjen e rëndë që ka prekur Shqipërinë ka dërguar një mesazh edhe Papa Françesku. Sekretari Kardinal i Vatikanit, ka dërguar në emër të Papës një telegram ngushëllimi për viktimat e tërmetit drejtuar presidentit Ilir Meta. Në telegram thuhet: “Ati i shenjtë po lutet për shpirtrat e atyre që ndërruan jetë në katastrofë. Papa Françesku po lutet gjithashtu për personelin e ekipeve të emergjencës në përpjekjet e tyre të ndihmës. Papa Françesku për popullin shqiptar: Unë jam afër viktimave, lutem për familjet, Zoti e bekoftë këtë popull të cilin unë e dua aq shumë!”. Deri më tani janë gjetur 28 persona që kanë ndërruar jetë dhe vazhdon puna për kërkimin e të tjerëve që janë nën rrënoja. Gjithë bota është sensiblizuar për këtë situatë, që ka prekur rëndë zonën e Durrësit dhe Thumanës.