Papa Françesku i ka dërguar një mesazh mbretëreshës Elizabeth II gjatë rrugës së tij për në Kanada.
Ka qenë Aleem Maqbool i BBC-së që zbuloi mesazhin personal që u dërgua.
Në mesazhin drejtuar Mbretëreshës Elizabeth II, thuhej: “Ndërsa fluturoj mbi Mbretërinë e Bashkuar në rrugën time për në Kanada, i dërgoj urimet e mia më të mira Madhërisë së saj, anëtarëve të familjes mbretërore dhe të gjithë njerëzve të mbretërisë. Unë lutem që Zoti i Plotfuqishëm t’ju bekojë me dhuratat, forcën, gëzimin dhe paqen e tij”.
Fansat e mbretëreshës u emocionuan dhe komentuan nën postimin e Aleem. “Sa i menduar dhe i bukur”, shkroi një përdorues, ndërsa një tjetër shtoi: “Sa i ëmbël.” Mbretëresha mori mesazhin e Papa Françeskut teksa po shijonte pushimet e saj në Balmoral.
