Ashtu siç ndodh gjithmonë me këto dy emra, qetësia nuk zgjati shumë! Vetëm pak muaj pasi Selena Gomez dhe Hailey Bieber dhanë sinjale paqeje, interneti po zien sërish nga drama e re mes tyre.
Gjithçka nisi me një postim që Hailey bëri më 18 tetor në Instagram — një mesazh që shumë fansa e interpretuan si “kunjë” ndaj Selena-s. Postimi, i cili u fshi pak më vonë, përfshinte deklaratën e modeles:
“Është gjithmonë e bezdisshme kur të vënë në garë me të tjerët. Nuk e dua këtë! Kur njerëzit duan të të shohin në një mënyrë të caktuar, krijojnë një histori në mendjen e tyre dhe nuk të takon ty ta ndryshosh.”
Dhe si për ta bërë më të qartë qëndrimin e saj, ajo shtoi:
“Mendoj se ka hapësirë për të gjithë. Nuk ndihem në konkurrencë me njerëzit që nuk më frymëzojnë.”
Në pamje të parë, fjalë të pafajshme. Por, sipas internetit, “njerëzit që nuk e frymëzojnë” tingëllonte shumë si Selena Gomez.
Ylli i “Only Murders in the Building” nuk vonoi me përgjigjen. Në një Instastory që menjëherë mori dhenë, ajo shkroi:
“Thjesht lëreni vajzën rehat! Ajo (Hailey) mund të thotë çfarë të dojë. Nuk ndikon aspak në jetën time. Është çështje rëndësie, jo inteligjence! Jini të sjellshëm! Të gjitha markat më frymëzojnë.”
Dhe në një tjetër postim, ajo shtoi me qetësi diplomatike:
“Ka vend për të gjithë. Dhe shpresoj që të gjithë të mund të ndalojmë njëherë e mirë.”
Përfaqësuesit e Hailey-t thanë për Page Six se komentet e saj “nuk kishin të bënin aspak me Selena-n”, por reagimi i shpejtë i Gomez-it tregoi se ajo e pa ndryshe.
Në fakt, kjo nuk është hera e parë që tensionet rindezen mes tyre. Fansat vunë re se në qershor, të dyja e kishin ndaluar së ndjekuri njëra-tjetrën në rrjete sociale — gjë që shumëkush e pa si “shenja paralajmëruese” të një përplasjeje të re.
Kujtojmë se në 2022, Hailey deklaroi në “Call Her Daddy” se “midis tyre ka vetëm dashuri”, dhe më vonë Selena kërkoi publikisht që fansat të ndalonin ngacmimet ndaj bashkëshortes së Justin-it. Madje në 2023, të dyja pozuan bashkë në një event, gjë që dukej si fundi i një epoke përplasjesh.
