Parashikimi i motiti, ja si do të jenë temperaturat sot

Alternime kthjellimesh dhe vranësirash do të karakterizojnë kushtet e motit në vendin tonë ditën e sotme, ku më të theksuara vranësirat do të paraqiten në veri duke gjeneruar reshje të izoluara dëbore në ekstremin verior të vendit. Parashikohet që pjesa e dytë e ditës të vijojë në ndikimin e kthjellimeve dhe vranësirave të shpeshta në zonat e ulëta dhe bregdetare duke lënë në ndikimin e motit të vranët zonat malore. Edhe gjatë natës nuk priten ndryshime të motit. Temperaturat e ajrit do të pësojnë rënie të ndjeshme gjatë orëve të mëngjesit, ku temperaturat më të ulëta do të shënohen në verilindje -3 gradë celsius, ndërsa mesdita nuk do të sjellë shumë ndryshim të tyre. Era do të fryjë mesatarisht me shpejtësi 30 km/h nga drejtimi juglindor duke bërë që në brigjet e Adriatikut dhe Jonit të gjenerohet dallgëzim mbi 2 ballë.