PARASHIKIMI/ Rikthehet acari, temperatura deri në -11 gradë

Ditët në vijim do të shoqërohen me temperatura tejet të ulëta deri në minus 11 gradë. Ditët më të ftohta janë e shtuna dhe e diela, ku termometri do të shënojë minus 8 gradë në zonat fushore dhe minus 11 gradë në zonat malore. Bregdeti dhe zonat e ulëta do të jenë në vlerat nga -2 në 1 gradë gjatë mëngjesit ndërsa mesdita në bregdet dhe zonat e ulëta deri në 13 gradë C. Ditën e mërkurë parashikohet një rënie e mëtejshme e temperaturave me 4 deri në 5 gradë, pra do të regjistrohen vlera në -8 deri në -9 gradë celsius në zonat malore, raporton sot “Noa”. Deri në fundin e javës vendi ynë do të mbetet i ndikuar nga masat e ftohta kontinentale, të cilat do të shkaktojnë akull dhe ngrica thuajse në pjesën më të madhe të territorit.