Elton Ilirjani ka dhënë lajmin e trishtë për artisten e madhe shqiptare Parashqevi Simaku. Pas takimit me djalin e saj, prej rreth dy javësh ajo ndodhet e shtruar në një pavion psikiatrik në një spital në Nju Jork.
“Nesër ajo bën plot dy javë që është e shtruar në një spital të Nju Jork. Ka dy javë që është në një pavion psikiatrik. Shumë e trishtë dhe për mua ka qenë ndër momentet më të vështira. Kuptoj që cdo sëmundje ka nevojë për diagnozë dhe kurim. Ne nuk e dinim ne që ishte e sëmurë Parashqevia sepse nuk jemi doktorë dhe nuk japim diagnoza. Por pas takimit të Parashqevisë me djalin shumë njerëz komentuan për një sjellje jo normale. Në fakt ditën e parë çdo gjë ishte në rregull, ata të dy kaluan kohën bashkë, u kënaqën, u çmallën, por problemi nisi të nesërmen. Të nesërmen Parashqevia u përball me një realitet të ri dhe pati një krizë që i bëri keq të gjithëve, përfshirë edhe Lukën. Ajo ditë ishte si një thikë që na solli para syve një Parashqevi që nuk e kishim parë për tre javën. Një Parashqevi që nuk pranonte realitetin dhe situata doli jashtë kontrollit. Atë natë u shoqërua në spital ku ndodhet prej dy javësh. Por problemi sapo ka filluar për ne. Ne jetojmë në New York dhe këtu të drejtat e njeriut janë të forta. Parashqevia nuk pranon mjekim dhe këtu ligji nuk detyron askënd të marrë ilaçe apo të kryejë analiza kundër vullnetit. Është gjykata që do ta vendosë nëse Parashqevisë do i jepet mjekim kundër dëshirës së saj që ajo të rikthehet më e mirë, më e fortë, më e shëndetshme”, u shpreh Eltoni.
