Ingrit Gjoni na ka vërtetuar shpesh se ka një lidhje shumë të ngushtë me djalin e saj, Paridin. Nënë e bir shumicën e kohës e kalojnë bashkë dhe pavarësisht se Paridi është ende i vogël është kthyer në mikun më të mirë të nënës së tij. Madje tashmë që është në shkollë dhe di të shkruajë si të gjithë të rriturit, vogëlushi di si t’ja zbukurojë ditën Ingritit vetëm me një mesazh. Ditën e sotme këngëtarja ka ndarë me të gjithë mesazhin më të bukur që duhet të ketë marrë nga djali i saj. Ingriti ka publikuar në ‘Instagram’ një bisedë ‘Whatsapp-i’ me Paridin, në të cilën ai i shkruan: “Zemra, shpirti im”.
Ashtu si çdo nënë me fjalët më të ëmbla, Ingriti ja ka kthyer: “Zemra ime. Të dua!”. Kujtojmë se Paridi është djali i vetëm i këngëtares dhe sigurisht personi më i rëndësishëm në jetën e saj. /revistawho.com
