Pas 11 muajsh fejesë, Paris Hilton dhe i dashuri i saj, Chris Zylka, i dhanë fund gjithçkaje në fillim të nëntorit. Duke qenë se asnjëri prej tyre nuk reagoi pas ndarjes, Paris vendosi të thyejë heshtjen dhe të tregojë të vërtetën. Gjatë intervistës në emisionin ‘The Talk’ ajo u shpreh se mendonte se do të kishte një fund të lumtur me ish-partnerin e saj, por pavarësisht se nuk janë më bashkë ndihet mirë.
“Mendoj se unë bie në dashuri shumë shpejt dhe dashuroj fort. Gjithmonë kam qenë e fiksuar me historitë e dashurisë së ‘Disney’ dhe mendoja se do të kisha një fund të lumtur, por më pas kuptova se nuk ishte vendimi i duhur”, – ka thënë Paris. Ajo është shprehur se i uron Chris gjithë të mirat dhe se një ditë do të donte shumë të martohej, të kishte fëmijë, por për momentin është e fokusuar vetëm tek vetja dhe puna e saj. /revistawho.com
