Blero dhe partnerja e tij, Afron Dika, shumë shpejt do të kurorëzojnë me martesë dashurinë e tyre. Pak javë më parë, ‘Prive’ zbuloi se Blero dhe Afrona kanë vendosur të martohen në 21 shtator 2019-të në një nga hotelet më luksoze tek Rana e Hedhun në Shëngjin. Pavarësisht se duhen ende edhe shumë muaj deri në ditën e ceremonisë, çifti i njohur kanë nisur nga përgatitjet. Ditën e sotme Afrona ka provuar për herë të parë fustanin e nusërisë. Ajo ka publikuar në ‘Instagram’ një fotografi, duke mos e zbuluar plotësisht fustanin e bardhë. “Kjo lloj ndjenjë. Prova e parë e fustanit të martesës…ishte një ditë shumë emocionuese”, – ka shkruar ajo bashkangjitur fotografisë.
Në dasmën e Bleros dhe Afronës do të ketë rreth 300 të ftuar dhe me siguri do të jetë një nga dasmat më të bukura ‘VIP’ për vitin e ardhshëm. /revistawho.com
