Ornelda Murati, partnerja aktuale e Mevlan Shabës, ka reaguar me tone të forta në rrjetet sociale, duke ndezur diskutime dhe aludime për një përplasje indirekte me Livian, ish-partneren e njohur të Mevlanit.
Në një postim në Instagram, Ornela ka zgjedhur fjalë të drejtpërdrejta dhe ironike, duke shkruar:
“Më vjen keq që jeta jote është kaq bosh sa ke zgjedhur të jetosh në timen. Kur një grua e pavlerë kërkon vëmendje, vetëm bëhet reklamë për nivelin e saj.”
Ajo vijon me një deklaratë që duket të synojë rivalen e saj të së kaluarës, duke theksuar se ajo ka diçka që tjetra “nuk do ta ketë kurrë”. Ornela nuk kurseu ironinë as kur u shpreh se është “qesharake” të mendohet se dikush tjetër mund të fitojë në këtë situatë.
Në fund të postimit, ajo shton:
“Jam me dikë që më mbron dhe më jep atë që meritoj”,
duke nënkuptuar se lidhja e saj me Mevlanin është më e fortë dhe më e qëndrueshme se kurrë.
Kjo deklaratë ka shkaktuar menjëherë reagime të shumta në rrjet, ndërsa ndjekësit spekulojnë se bëhet fjalë për një përgjigje të drejtpërdrejtë ndaj ndonjë deklarate të fundit nga Livia, megjithëse kjo e fundit nuk ka reaguar ende publikisht.
Situata mbetet e tensionuar, ndërsa fansat e dy protagonisteve janë përfshirë në diskutime të zjarrta në komente. A do të ketë një reagim nga Livia? Mbetet për t’u parë.
