Blogerja Sara Karaj ka dhënë sot lajmin e bukur se është bërë nënë për herë të dytë. Sara ka sjellë në jetë sërish një djalë, të cilin e kanë pagëzuar me emrin Greg. Disa ditë më parë, blogerja tregoi se përfundoi me urgjencë në spital, në muajin e tetë të shtatzënisë dhe gjatë kësaj kohe ka kaluar plot sfida, por Greg i ka mrekulluar të gjithë me forcën e tij. Sara ka publikuar disa foto nga momentet e para pas lindjes dhe ka disa fjalë emocionuese për vogëlushin e porsalindur.
“Pas një jave plot sfida dhe intensive, më në fund Greg iu bashkua familjes tonë.
Greg, na ke mrekulluar me forcën tënde! Ne jemi çdo moment me ty. Të tre! Uroj shumë që kjo periudhë të kalojë sa më shpejt dhe të vish me ne, siç kemi imagjinuar me Tomasin dhe babin. Ajo që dua të të siguroj është që kur ti të bëhesh më mirë dhe i fortë, do të kesh vëllain dhe babin më të mirë në botë afër. Që do të të qëndrojnë pranë në çdo moment të bukur apo të vështirë. Ndërsa mua, ti e di, do më kesh gjithmonë si tek barku. Ne e nisëm këtë rrugëtim bashkë, më afër se kurrë dhe kështu do vazhdojë! Faleminderit shumë për çdo mesazh apo përkujdesje që keni dhënë drejt nesh. Gjithashtu, nuk e di a do të mund t’ia dilnim pa familjen tonë të madhe që ka qenë gjithë kohës aty, për çdo gjë”, shkruan Sara.
View this post on Instagram
