Martesa e shumëpërfolur e Justin Timberlake dhe Jessica Biel duket se është në një udhëkryq serioz, pas 12 vitesh së bashku. Sipas burimeve të afërta me çiftin, largësia fizike dhe sfidat profesionale po i vënë në provë më shumë se kurrë më parë.
Timberlake ndodhet në SHBA duke përballuar kritika për performancat dhe shitjet e dobëta të biletave në turneun e tij “Forget Tomorrow”. Ndërkohë, Biel është zhvendosur në Evropë, ku po xhiron filmin e saj të ri, “Matchbox”.
Gjendja emocionale e Timberlake përshkruhet si e rënduar. Ai ndjehet “i izoluar dhe zemërthyer”, ndërsa Jessica Biel po duket gjithnjë e më shumë e përqendruar në karrierën e saj.
Problemet mes tyre nuk janë të reja. Ato datojnë që nga një skandal i vitit 2019, ku Timberlake u përfshi me një kolege, dhe tensioni duket se është thelluar më tej me kalimin e kohës. Nuk harrohet as arrestimi i tij në vitin 2024, që shtoi më shumë barrë mbi marrëdhënien e tyre.
