Ashtu siç është bërë e ditur nga vetë ai, Ermal Mamaqi së shpejti do të sjellë në treg një tjetër komedi me titull “I Love Tropoja”. Xhirimet kanë nisur dhe gjatë kësaj kohe, Ermali ka ndarë shumë detaje me ndjekësit e tij. Ditë pas dite, moderatori po zbulon emrat e aktorëve të njohur që janë bërë pjesë e kastit të filmit të ri. Ditën e sotme, Mamaqi zbuloi me anë të një postimi në ‘Instagram’ se ai dhe aktori i njohur shqiptar, Bujar Asqeriu, do të bashkëpunojnë edhe njëherë për filmin e ri. Sipas asaj që ka shkruar Ermali, Bujari duket se ka rol protagonist, megjithatë nuk është zbuluar asnjë detaj më shumë. Për ata që nuk e mbajnë mend, bashkëpunimi i parë i aktorëve ka qenë në filmin e parë të Ernalit, “2 Gisht Mjaltë”, ku Asqeriu luante në rolin e dajës së protagonistit. Duke parë suksesin e filmit të parë, me siguri dhe ky i dyti do të rezultojë i tillë./revistawho.com
https://www.instagram.com/p/B1geu2chj-E/?igshid=59nmsta8o0pu
