Për disa vite me radhë, Beatrix Ramosaj ishte një nga këngëtaret më aktive të muzikë, por kohët e fundit është shkëputur prej pasionit të saj më të madh. Beatrix ka publikuar një këngë që në 2017-tën dhe tashmë janë bërë plot 2 vite që ajo nuk prodhon asnjë projekt të ri muzikor. Pavarësisht kësaj mungese këngëtarja i ka qëndruar pranë publikut me postimet në rrjete sociale, por duket se ka vendosur që të afrohet akoma më shumë me ta përmes muzikës. Ditën e sotme Beatrix ka paralajmëruar se shumë shpejt do të rikthehet me një këngë të re, të cilën do ta xhirojë muajin tjetër. Ajo ka treguar se këto kohë ka pasur shumë nevojë të punojë me veten e saj, ndaj ka qëndruar larg muzikës. “E di që ka kaluar shumë kohë, por dua të dini se kam punuar për këngën time të re dhe me shumë siguri do ta xhiroj këngën time muajin e ardhshëm. Jam shumë entusiaste për këtë projekt dhe shpresoj që të jeni dhe ju. Faleminderit që jeni treguar të duruar me mua. Më duhej pak kohë të punoja me veten dhe tani mendoj se jam gati të rikthehem dhe të jem pranë jush me muzikën time. Shumë dashuri, Trixa”, ka shkruar këngëtarja në një postim në ‘Instastory’.
Beatrix numëron disa këngë në repertorin e saj që kanë rezultuar mjaft të suksesshme, ndaj pritet që dhe ky projekt i ri të jetë në po të njëjtin nivel si ata të mëparshmit. /revistawho.com
