2 vite më parë Anxhela Peristeri rrëmbeu kupën e fitores në “Kënga Magjike” me këngën e saj “E çmendur”. Kjo ishte hera e parë që Anxhela shpallej fituese në këtë kompeticion dhe siç duket ajo ka vendosur të rikthehet sërish këtë vit për të përjetuar të njëjtat emocione. Ditën e sotme Peristeri ka publikuar në ‘Instagram’ një foto të shkrepur në vitin 2017-të me kupën e fitores me mbishkrimin “Kënga Magjike 2019?”.
Në këtë mënyrë ajo ka ngritur dyshimet se këtë vit mund të rikthehet dhe ka nisur një bisedë me ndjekësit e saj virtual. Disa prej tyre i kanë kërkuar të bëjë sërish një baladë dhe të tjerë të bashkëpunojë me Mateus Frrokun.
Fansat e saj shprehen të bindur se nëse ajo do të marrë pjesë do të fitojë sërish dhe duket se Anxhela shpreson për të njëjtën gjë. “Një shoku im më tha se hëngre një herë tortë nuk do të thotë se nuk duhet të hash prapë, kështu që shpresa vdes e fundit”, është shprehur Anxhela në një përgjigje të saj.
Megjithatë është ende herët për të ditur nëse këngëtarja do të marrë pjesë, pasi lista e artistëve pritet të zbulohet më vonë. Kujtojmë se pak ditë më parë Ardit Gjebrea zbuloi se këtë vit spektaklin “Kënga Magjike” do ta prezantojë së bashku me Adrola Dushin. /revistawho.com
