Mbrëmjen e djeshme dy çiftet e njohura mbretërore, Meghan Markle, Princ Harry dhe Kate Middleton, Princ William u bashkuan sërish me njëri-tjetrin në një dalje publike. Të katërt ishin të pranishëm në eventin “Royal British Legion Festival of Remembrance”, i cili i bëri bashkë pas 5 muajsh. Për këtë rast të veçantë Kate kishte vendosur që të qëndronte brenda kornizave të saj, ndërsa Meghan kishte veshur një fustan të zi të stilit retro, i cili tërhoqi vëmendjen e të gjithëve.
Për herë të fundit Kate, William, Meghan dhe Harry u shfaqën pranë njëri-tjetrit në muajin qershor, kur Mbretëresha Elizabeth festoi ditëlindjen e saj. Ky ribashkim i habiti të gjithë, pasi në një farë mënyre Harry pranoi thashethemet e përçarjes, ku në një intervistë për Tom Bradby ai u shpreh se po ndjek një rrugë të ndryshme nga vëllai i tij. Megjithëse është thënë se Kate dhe Meghan kanë qenë “fajtoret” e kësaj përçarje mes vëllezërve, është mësuar se Middleton i vjen keq për këtë gjë, madje ajo përpiqet të qëndrojë sa më larg dramave të tyre. /revistawho.com
