Fansat e Katie Holmes dhe Jamie Foxx kanë marrë sot lajmin se çifti i aktorëve kanë vendosur të ndahen pas 6 vite lidhje dhe nuk e kanë pritur fare mirë atë. Katie dhe Jamie e kanë mbajtur lidhjen e tyre larg mediave apo syrit të publikut dhe mundoheshin të kalonin kohë sa më shumë me njëri-tjetrin. Kjo gjë po funksiononte deri diku, por sipas një burimi për ‘HollywoodLife’, arsyeja e ndarjes ka qenë pikërisht stili i jetesës. Sipas tij, Jamie ishte shpirti i festës kudo që shkonte dhe pëlqente të bënte një jetë të shthurur, ndërsa Katie nga ana tjetër pëlqente të qëndronte në shtëpi dhe të kalonte momente të bukura dhe të qeta me partnerin e saj, sigurisht duke veçuar këtu baret apo restorantet. Për 6 vite, ata kanë qëndruar bashkë sepse e donin njëri-tjetrin, por ndonjëherë lidhja qëndron në një vend, kur në fakt duhet të ecë pëprara. Nuk është nevoja të përmendim faktin se Jamie dhe Katie vazhdojnë të kenë një marrëdhënie të mirë bashkë. Pak kohë para se të bëhej publik lajmi i ndarjes, aktori është parë në shoqërinë e këngëtares Sela Vave, e cila mund të jetë partnerja e tij e re./revistawho.com
