Pas gati një dekade dashurie, Cristiano Ronaldo ka bërë hapin që fansat e kanë pritur prej kohësh. Futbollisti i famshëm ka vendosur t’i propozojë për martesë partneres së tij, Georgina Rodriguez, duke shënuar një kapitull të ri në jetën e tyre.
Në Instagram-in e saj, Georgina publikoi një foto ku dora e saj qëndron mbi atë të Ronaldos, duke shfaqur një unazë shkëlqyese që ka pushtuar rrjetin.
Ajo e shoqëroi imazhin me fjalët: “Po, dua. Në këtë jetë dhe në të gjitha jetët e mia të tjera”. Një mesazh i qartë që konfirmon se propozimi ka ndodhur dhe se përgjigjja ishte “po” pa asnjë hezitim.
Historia e tyre nisi në vitin 2016, kur Georgina punonte në një dyqan “Gucci” në Madrid dhe Ronaldo u shfaq aty si klient. Nga ajo ditë, lidhja e tyre është forcuar vit pas viti, duke kaluar prova të shumta dhe duke ndarë momente të paharrueshme.
Ky propozim tregon jo vetëm dashurinë e tyre të fortë, por edhe mundësinë që Ronaldo, i cili ka fituar gjithçka në fushë, të përqendrohet më shumë në familje në vitet e ardhshme. Disa fansa madje e shohin këtë si një sinjal të mundshëm drejt pensionimit nga futbolli, për t’iu dedikuar më shumë jetës private dhe fëmijëve të tij.
