Dua Lipa mbylli më 28 Nëntor turin e saj “Future Nostalgia”. Ajo zgjodhi Ditën e Pavarësisë për t’i dhuruar shqiptarëve spektaklin e paharrueshëm.
Këngëtarja është emocionuar nga pjesëmarrja aq e madhe e fansave të saj, që ka shkuar në rreth 200 mijë, në koncertin e fundit dhe për këtë ka zgjedhur t’i falënderojë me anë të një postimi në “Instagram”.
“94 shfaqje në të gjithë botën në një vit përfunduan në Tiranë, në Shqipëri me rreth 200 mijë njerëz shfaqja jonë më e madhe solo e realizuar ndonjëherë, u bë në Ditën e Pavarësisë! Gjithçka që mund të them është falënderimi më i thellë për një vit që më ka shtyrë të rritem përtej çdo gjëje që mund ta imagjinoja, e rrethuar me njerëzit më të mrekullueshëm për të ndarë emocionet. “Future Nostalgia” përgjithmonë!”, ka shkruar ajo.
