Ndarja e modeles Irina Shayk nga partneri i saj prej 4 vitesh, Bradley Cooper u kthye në lajmin kryesor në rrjet të ditëve të fundit. Së fundmi burime për ‘Cosmopolitan’ kanë treguar se një nga arsyet që e çuan dyshen e njohur drejt këtij vendimi ka qenë mungesa emocionale e regjisorit gjatë xhirimeve të filmit ‘A Star Is Born’.
Ndonëse Shayk dhe Cooper u përpoqën pas mbarimit të xhirimeve të tij, për ta shpëtuar marrëdhënien e tyre, kjo ishte thuajse e pamundur sepse gjërat midis tyre ishin ftohur dhe të dy kuptuan se ishin duke qëndruar bashkë për hir të vajzës.
Burimet kanë shtuar se Irina mendoi se e gjitha çfarë po kalonte ishte e “mjaftueshme” për të dhe se nuk po merrte atë që priste, ndaj vendosi t’i japë fund.
Kujtojmë se Bradley dhe Irina janë prindër të një vajze të vogël, për të cilën janë duke vendosur se si do ta menaxhojnë kohën pas këtij momenti. Nuk dihet ende se me kë prej të dyve do të qëndrojë vogëlushja, por me shumë mundësi pranë mamasë së saj./revistawho.com
