Pas largimit nga shtëpia e *Big Brother VIP Albania 4*, Jozefin Marku ishte i ftuar në emisionin “Shqipëria Live” në Top Channel, ku reagoi ndaj zërave që qarkullonin për orientimin e tij seksual, të nxitura nga disa foto virale.
Gjatë intervistës, Jozi sqaroi marrëdhënien me djalin që shfaqej në ato foto, duke theksuar se mes tyre ekziston vetëm një miqësi e vjetër. “Ky është Mili, Emiljano, djalë shumë i mirë. I njoh krejt familjen, është shok i mirë, rob i mirë shumë. E kam njohur në Tiranë, ia njoh vëllezërit, pastaj njoha atë. Vëllezërit e tij kanë pasur një lokal. Kemi marrëdhënie vëllazërore familjare prej shumë vitesh,” shpjegoi ai.
Ai tregoi se prej kohësh nuk është takuar me të, por ruan kujtime të mira nga miqësia e tyre. “Ka shumë vite që nuk e takoj dhe mbaj mend kur isha në lice pinim kafe te lokali tij. E mbanin gjithmonë si të voglin, është i respektueshëm, ka vuajtur shumë me familjen e vet,” shtoi Jozi.
I pyetur drejtpërdrejt nëse kishte pasur ndonjë lidhje me të, Jozi u përgjigj prerë: “Mos ekzistoftë emri i Jozit, nuk kam gjë kundra, po nuk kam lidhje. Jozi është me mendimin që krijesa më e shenjtë që ka krijuar Zoti është femra, nuk jam.”
Duke reaguar ndaj deklaratave të bëra nga ish-banorë të tjerë të *BBV4*, Jozi tha: “Bernardi ka gabuar me luhatjen e vet. Jozi është burrë 100%. Po më vjen me qesh nga doli kjo histori tani. Bernardi është pak i çuditshëm me këto deklarata.”
