Morena Taraku vendosi të vizitojë nga afër familjet e prekura nga tërmeti së bashku me reperin e njohur, Stresi. Këngëtarja tregoi se nuk kishte qarë kurrë më parë kaq shumë që prej momentit kur humbi nga jeta nënën e saj. Midis shumë vizitash, Morena vendosi të rindërtojë shtëpinë e një prej familjeve që kanë mbetur pa strehë pas tërmetit të së martës.
“Isha tek familja Elton Turja. Vendosëm një tendë, në shtëpi kishin një baba, e di se të gjithë baballarët shqiptarë janë të mrekullueshëm, por fytyra e tij ishte aq e butë dhe bujare sa brenda syve të tij shihja një zemër të gërryer që i thoshte vetes: ‘Pse familja ime fle jashtë e nuk kam si ti ndihmoj’. Ajo çka më preku më së shumti ishte se ai kishte kohë që kishte probleme me zemrën dhe unë e di sa e rëndë dhe sa e vështirë, është të kesh dikë të sëmurë nga kjo sëmundje. Unë mora përsipër të ndërtoj shtëpinë e tyre të re dhe të kthej buzëqeshjen e tyre me një shtëpi sepse shëndetin nuk mund t’ia garantoja atij babait të shkretë sepse ajo është në dorën e zotit. Po ashtu si dhe shëndeti i babit tim që kalon me vite e vite operime të shumta nga kjo sëmundje. Kjo shtëpi do jetë e ndërtuar nga unë, një bijë nga Kosova me shumë dashuri për nënën Shqipëri”, ka shkruar këngëtarja krah fotove me familjarët e prekur nga ndodhia e një jave më parë.
Kujtojmë se personazhet e njohur kanë kontribuar të gjithë në mënyra të ndryshme, duke ju gjendur pranë njerëzve në nevojë./revistawho.com
https://www.instagram.com/p/B5qgDRnlN3l/?igshid=10d1erkobds7m
