Albert Dumani ishte i ftuar mëngjesin e sotëm në studion e Klan News ku në një intervistë me Iva Kalemin zbuloi ekskluzivisht 2 seriale që do të nisin së shpejti në TV Klan. “Babil” ka shumë pak episode dhe “Dashuria është në ajër” është drejt fundit prandaj drejtori i programacionit të TV Klan i pikasur që tani serialet që do të vijnë pas tyre.
“Po e them ekskluzive këtu që pas “Babilit” do të jetë një serial që unë e kam shumë përzemër, është shumë i veçantë për temën që trajton. Është seriali “Vajza në dritare”, interpreton Burcu Biricik, që publiku e njeh si Dila nga “Kuzgun”. Do të jetë një serial akoma më i bukur se Babil. Drama e një vajze që kontrollohet nga nëna e saj. A mund t’i bëjë dëm dashuria e madhe e nënës një vajze? Këtë do ta shohim në këtë serial. Ndërsa pas “Dashuria është në ajër” do të vijë një serial me aktor kryesor Alperen Duymaz. “Vera e fundit” titullohet, sa ka përfunduar në Turqi”, tregoi Alberti.
