Këngëtarja e njohur kosovare Fjolla Morina duket se po e shijon maksimalisht rikthimin në jetën jashtë shtëpisë më të komentuar në vend, “Big Brother VIP Kosova”.
Vetëm pak kohë pas daljes nga formati, Fjolla ka vendosur të bëjë një hap të guximshëm në pamjen e saj, duke u shfaqur me një transformim që nuk kaloi pa u vënë re. Ajo ka zgjedhur t’i presë flokët shkurt, deri në nivelin e qafës, një stil që përkon plotësisht me trendet më të fundit të modës.
Pamja e re i jep këngëtares një frymë më urbane dhe moderne, duke e bërë të duket më “cool” se kurrë më parë.
Mesa duket, për Fjollën ky është vetëm fillimi i një kapitulli të ri, ku jo vetëm muzika, por edhe imazhi i saj po merr një drejtim të freskët dhe më të guximshëm.
