Ditën e djeshme Alketa Vejsiu dhe Valdrin Sahiti organizuan një nga sfilatat më të rëndësishme të karrierës së tyre, “Class Fashion Show”, për prezantimin e koleksionit të ri të fustaneve të mbrëmjeve dhe nusërisë. Valdrini kishte punuar 25 fustan enkas për “Class by Alketa Vejsiu”, të cilat u veshën nga modelet më të njohura në vend që ishin pjesë e sfilatës madhështore.
https://www.instagram.com/p/B3hxTjInEQ6/
https://www.instagram.com/p/B3huaejluXX/
Në përmbyllje të eventit më të rëndësishëm të modës, Alketa dhe Valdrini shkëmbyen një përqafim për suksesin e tyre të përbashkët. Menjëherë pas sfilatës, Sahiti mblodhi të gjithë miqtë e tij të zemrës për të festuar për arritjet e tij, por edhe për ditëlindjen që vjen për pak ditë. Të pranishëm në festën e Valdrinit ishin shumë personazhe të njohur si Elvana Gjata, Olti Curri, Julka Gramo, Isli Islami, Anxhelina Hadërgjonaj etj. Valdrini mbeti i emocionuar nga një fjalim i Elvana Gjatës, me të cilën stilisti i njohur ka një miqësi tepër të ngushtë.
“Valdrini na ka mbledhur sonte se dëshironte të festonte jetën, të ishte mirënjohës ndaj Zotit, ndaj çdo bekimi që ai ka në jetë. Siç ti je mirënjohës ndaj Zotit për gjithë këto të mira që të ka dhënë, ashtu jemi dhe ne mirënjohës që kemi një mik, vëlla, shok si ty. I meriton se jep dashuri pa kufi, je artist, je djalë i jashtëzakonshëm”, është shprehur Elvana. Të gjithë të pranishmit e shijuan pafund festën dhe në të nuk mund të mungonte bashkëshortja e Valdrinit, Edita Ramadani. /revistawho.com
