Pak ditë më parë, moderatori i njohur Alban Dudushi u vlerësua me çmimin ‘Barleti’ në një event ku nuk munguan gazetarë të fushave të ndryshme, për kontributin e tij në media dhe gazetari. Ndërsa partnerja e tij, Bieta Sulo ka zgjedhur ditën e sotme për të ndarë me ndjekësit momente nga marrja e çmimit dhe për t’i dedikuar Albanit disa fjalë.
“Me ‘krahun tim të djathtë’ në ditën e nderimit për ‘Kontribut të veçantë në media dhe komunikim’ nga Universiteti ‘Marlin Barleti’. Sa mirë kur vlerësohesh nga institucione akademike, në bankat e të cilave studentët mësojnë dhe ‘talk show-n’, edhe faktin që je i pari në këtë kulturë televizive e që me ‘Top Show’ ç’monopolizove skenën mediatike, duke e vërë të prekshme edhe për njerëzit e zakonshëm të këtij vendi. Ndihem me fat që fillova punë në ‘Top Channel’ dhe aq më tepër në ‘Top Show’ dhe që jam pasardhëse e ‘shkollës’ Dudushi në televizion dhe e lumtur krah teje dhe fëmijëve, Joelle & Kroi Art”, ka shkruar Sulo krah postimit më të fundit në ‘Instagram’.
Në këtë moment nuk kanë munguar dhe komplimentet e ndryshme nga ndjekës apo miq të dyshes të cilët kanë theksuar se ndihen me fat se kanë punuar me ta./revistawho.com
https://www.instagram.com/p/B89Y1ZfHLak/
