Pak ditë më parë, Jonida Vokshi dhe aktori Besnik Krapi kurorëzuan dashurinë e tyre në martesë. Dasma e tyre u komentua gjatë për thjeshtësinë dhe lirshmërinë e të ftuarve, por edhe të vetë çiftit. Ditën pas dasmës, të gjithë prisnim t’i shihnim duke festuar në muaj mjalti, por Jonida u pa duke drekuar me shoqet e saj në një nga postimet e aktores Olta Gixharit, ndërsa Besniku ishte kthyer në Kosovë. Së fundmi, muaji i mjaltit mesa duket ka nisur për çiftin. Jonida ka publikuar disa foto nga pushimet me bashkëshortin e saj, por destinacionin ende nuk e kanë përmendur. Ata kanë ndarë disa momente të lumtura mes tyre, duke shijuar kështu ditët e para si burrë e grua.
