Pak ditë më parë bukuroshja e ekranit shqiptar, Jona Spahiu kurorëzoi me martesë dashurinë e saj disa vjeçare me Frenkli Ymerin. Në një ceremoni mjaft të këndshme martesore, pranë miqve dhe personave më të afërt Jona dhe partneri i saj shijuan çdo moment të dasmës së tyre.
Pavarësisht se moderatorja e njohur është rreth muajit të pestë të shatzënisë, kjo gjë nuk e pengoi aspak që të kërcente dhe normalisht të ishte shpirti i festës në dasmën e saj. Megjithatë këto momente të bukura nuk kanë përfunduar ende për çiftin e sapomartuar. Gjatë ditës së sotme Jona ka zbuluar se së bashku me Frenklin kanë nisur pushimet në një vend mahnitës. Nga dhoma e hotelit në të cilin po qëndrojnë Jona ka treguar pak momente nga atmosfera e pushimeve.
Duhet thënë se këtë muaj mjalti të dy me siguri do ta mbajnë mend gjatë, duke qenë se kanë zgjedhur të pushojnë në një nga ishujt më të bukur në botë, Ibiza. Për më tepër që përveç Jonës dhe Frenklit këto ditë duhet t’i shijojë shumë edhe bebushi që pritet të vijë në jetë disa muaj më vonë. /revistawho.com
