Pas debatit, Rozana Radi mes debatesh tërhiqet nga paneli e jurisë, dy nga konkurrentet surprizojnë jurinë…ja çfarë ndodhi një natë përpara finales në Gjeniut të Madh!
Një natë përpara finales ndizet atsmofera në Gjeniu i Madh. Interpretimet kanë kaluar mbrëmë në lupën e jurisë e cila u tregua më e drejtpërdrejtë si për t’iu kujtuar konkurrentëve që në këtë pikë të garës edhe gabimi më i vogël të penalizon. E tillë ka qënë edhe situata e krijuar pas performancës së Fatmirit. Rozana Radi ishte e para që e vuri në dukje problematikat që kishte përformanca por hasi në kundërshtimin e Fatmirit.
“Duhet të falenderosh orkestrën që të erdhi pas e të nxorri nga situata sepse rrezikove shumë me ritmin…vazhdon të këndosh dy këngë” – u shpreh ndër të tjera Rozi, ndërkohë që menjëherë replikon Fatmiri – “Gabime kanë bërë edhe Pavaroti dhe Domingo, të gjithë mund të improvizojnë”, argument i cili gjeti deri diku edhe mbështetjen e Inisit, ndërkohë që Ardi solli edhe një argument tjetër nga drejtuesi i orkestrës Altin Llakaj në lidhje me këngëtarët lirike të cilët edhe mund të gabojnë në mungesë të dirigjentit.
Por pavarësisht së gjithash Rozi, e mbështetur ne argumentat e saj edhe nga anëtari tjetër i jurisë, Stefi Prifti, qëndroi e palëkundur në pozitat e saj duke cituar ndër të tjera se: “këngëtarët e mëdhenj nuk kanë kurrë probleme me ritmin, është komplet tjetër gjë të improvizosh e tjetër të humbasësh ritmin. E në një situatë të tillë ajo vendos të largohet për një moment nga paneli i jurisë, veprim i cili nuk u prit aspak mirë nga Fatmiri, por situata i është rikthyer sërish normaliteti duke bërë që ky i fundit të reflektojë…
Por mbrëmja nuk do të mbyllej këtu pasi dy momentet më të rëndësishme të saj do të vinin në fund. Ana Subashi, në respekt të publikut dhe jurisë doli në skenë por në pamundësi shëndetësore për të vijuar me konkurrimin e saj. Juria u tërhoq për të marrë një vendim dhe vendosi unanimisht për ndërprerjen përfundimtare të garës për Anën por duke i dhënë asaj shansin e nje daljeje të fundit ne finalen e madhe javën e ardhshme për ta çuar kështu deri në fund ëndrrën e saj.
Ndërkohë që supriza e dytë e mbrëmjes erdhi nga Irma Dauti. Konkurrentja nga Elbasani pasi daljes ne sfidë me Evelina Shabani, vendosi të tërhiqet nga gara duke e quajtur në këtë mënyre të përmbushur misionin e saj në këtë edicion të parë të Gjeniut të Madh.
Si përfundim në finalen e madhe do të shkohet me 9 konkurrentë, në një mbrëmje për të mos u humbur në ekranin e Vizion Plus, të enjten ora 21:00.
