Pak ditë më parë, Justin Bieber i befasoi të gjithë me deklaratën e tij ku shprehej se e kishte dashur dhe e donte akoma ish-partneren e tij, Selena Gomez. Këngëtari zgjodhi ta tregonte këtë gjë duke i kthyer koment një prej fansave, i cili e akuzonte Bieber se ishte martuar me Hailey Baldwin për t’u rikthyer sërish me Selenën.
Pas kësaj Gomez zgjodhi mos të reagonte deri në momentin kur publikoi një foto të vitit të shkuar në llogarinë e saj në ‘Instagram’, bashkangjitur së cilës shkroi: “Kujtim”. Mediat e huaja e cilësuan këtë postim të këngëtares si reagimin e parë të saj, pas deklaratës së Bieber, duke qenë se ajo nuk kishte publikuar asgjë që prej komentit të tij.
Kujtojmë se Selena u rikthye para disa muajsh në rrjetet sociale dhe pas periudhës së vështirë që kaloi, vendosi t’i kushtojë vëmendjen maksimale shëndetit, familjes dhe miqve të saj më të afërt, duke e lënë në të shkuarën historinë e dashurisë me Bieber./revistawho.com
