Mbrëmjen e djeshme Xhensila Myrtezaj dhe Bes Kallaku festuan ditëlindjen e parë të vajzës së tyre, Ajkës. Ditëlindja e parë e vogëlushes ishte menduar si një festë e madhe mes miqsh dhe familjarësh. I gjithë ambienti ishte i zbukuruar në ngjyrë rozë dhe Xhensila me Besin ishin kujdesur shumë për pamjen e tyre. Gjatë festës në rrjete sociale u publikuan video të shumta nga miqtë e çiftit të njohur, të cilët zbuluan për herë të parë portretin e Ajkës. Duke qenë se tashmë Xhensila dhe Besi nuk kanë pse ta ruajnë më vajzën, sot kanë publikuar portretin e parë familjar. Fotot janë shkrepur gjatë festës dhe ata të tre duken shumë të lumtur përkrah njëri-tjetrit. Bashkangjitur fotove Xhensila nuk ka harruar të falenderojë edhe gjithë ata që e bënë më të bukur atë ditë të shënuar në jetën e familjes së tyre.
https://www.instagram.com/p/Bz3XQwQhG-E/
“Pas asaj dite edhe mbrëmjeje të bukur nga gëzimi më i madh i jetës, rrethuar me dashurinë e të gjithë atyre që na uruan, të atyre që ishin të pranishëm dhe atyre që punuan për të zbukuruar pikturuar dhe përjetësuar në memorien tonë 1-vjetorin e Ajkës”, ka shkruar Xhensila në postimin e saj. Gjatë këtij 1 viti, Xhensila dhe Besi janë treguar shumë të rezervuar në daljet publike me vajzën, por duket se këtej e tutje të gjithë do të kemi mundësinë të shikojmë diçka më tepër nga jeta e tyre familjare. /revistawho.com
